病魔追着他們這一家 風風父親患腫瘤捐肝救兒夢碎 2011年12月25日

病魔追着他們這一家
風風父親患腫瘤捐肝救兒夢碎

2011年12月25日




【本報訊】這個聖誕，降臨在肝硬化命危男嬰風風一家人身上的，不是上天眷顧，而是殘酷的命運。滿以為可捐肝救兒的虞爸爸昨驗出腎臟長有腫瘤，或要與癌魔交手之餘，救兒的願望亦告幻滅。如今，風風活命的最後一線落在虞媽媽身上，惟她患有甲狀腺病，未必適合捐肝，這扇活命之門亦隨時關上。死神就在病房外徘徊，風風父母只求有心人為他開啟更多的門，向醫院登記捐肝。

記者：譚志輝、麥超億、關震海

眼見無力挽救命危愛兒，自己又被病魔纏身，虞先生盼望有心人施以援手。　麥超億攝

昨日病房內，前天滿帶希望的氣氛消失殆盡，風風的笑聲換上哭聲。「醫生話，掃描見到我左腎有個陰影，好可能係腫瘤……」虞爸爸一字一字吐出，字字錐心。

暫未確定良性還是惡性

昨日清晨，虞爸爸接過在醫院照顧風風的太太來電，得知醫生急欲會面，還以為是相討換肝一事，帶着女兒趕來，一聽卻是晴天霹靂：「佢話未知係良性定惡性，要確定就惟有割出嚟驗……總之現階段我唔可以捐個肝畀細佬，因為如果係惡性就會連癌細胞都過埋畀佢。」
救兒夢碎，自己更可能被癌魔纏身，他呆立當場：「我問可唔可以即刻做手術割出嚟驗，醫生話就算得，驗咗係良性，要再做捐肝咁大嘅手術都要等一個月後，細路唔等得咁耐……」

8個月大的風風出生初期父母已發現他皮膚偏黃，私院醫生卻指是喝人奶所致，驗身報告亦無異樣；延至 5個月前才在公立醫院確診患先天性膽管閉塞，錯過治療黃金期，肝臟嚴重硬化，血水積聚腹腔，肚子脹如籃球。上周初，他已無法進食及排便，藥石無靈，活命惟獨換肝一途。前天，醫生證實虞父血型脗合， 29日可做捐肝手術救兒，一家人放鬆一點；但一天之隔，恍如天堂與地獄。

「手術室同醫生都準備好，我心理醫生都見埋……佢家最後希望喺媽媽身上，但係媽媽有長期病，醫生話有機會唔捐得。我唔敢去諗。」連日來他說到痛處還是語帶平靜，但昨天他聲帶嗚咽，全因答應過愛兒不會在他面前流下一滴眼淚，他強忍着。風風似洞悉一切，前天還叫個不停，昨天卻不時嚎哭，要爸爸抱入懷中安撫。

有心人可電郵登記評估

等候屍肝遙不可及，虞媽媽已即時抽血等候報告，只怕風風這最後一扇活命之門也關上。虞爸爸說：「萬一連太太都唔捐得，如果即刻有人補上，起碼仲有機會！我希望各位有心人幫吓佢，佢得 8個月大咋！」

瑪麗醫院昨已設立電郵專戶供各界熱心人登記，以作初步評估。虞父不忘提醒公眾量力而為，登記前要充份評估自己身心及家庭負擔，始終活體捐肝有風險，「唔到最後呢一步，我都唔想麻煩大家」，說罷風風又哭起來，他轉身跑回昏暗的病房。

網民送上祝福

meyonw：如果集合每人願望都能成為力量就好了，非常希望他手術成功，健健康康！

波波寶寶：我哋一齊畀啲力量風風吖！風風要撐住呀，呢度有好多姨姨同你打氣㗎。

bu-b：作為母親，完全感受到呢對父母嘅心痛， BB仲生得咁精靈可愛，求天父達成佢哋呢個聖誕願望啦！

VKwan：個 BB同爸爸一定要支持住，過埋呢關就可以一家人齊齊整整平平安安！祝福佢哋一家平安，求天父保守佢哋！

小瑟：唉，小朋友咁樣真係好可憐，唯一可以做嘅，就係禱告！

唐賓南：可憐天下父母心，唔知點驗我個肝啱唔啱用？

simple340：一定會好番！

mary女：真係好可憐，希望爸爸嘅願望可以實現，佢哋真係一個都不能少！

lamlamkids：加油呀，風風同風風屋企人！祝一切順順利利！風風同風風爸爸手術後快啲康復，健健康康！

幫助風風途徑

如欲登記捐肝拯救風風，可將個人資料、聯絡方法及血型，電郵給瑪麗醫院作初步評估。
電郵地址： chowyy@ha.org.hk

蘋果日報慈善基金已替風風開設捐款專戶
「風風」捐款編號： C3147
網上捐款：

http://charity.appledaily.com.hk/donate

http://hk.apple.nextmedia.com/template/apple/art_main.php?iss_id=20111225&sec_id=4104&art_id=15923610&av_id=15923831

轉貼自蘋果日報   版權皆屬蘋果日報擁有