專題報道：小商戶大控訴 領匯惡霸屋邨商場
2012年04月20日領匯叫人「尋味時光」，忘記自己多年來逼死了多少小商戶。有中醫師願意倍加租金仍被逼走，一生心血盡毀，抑鬱得幾乎喪命；一間屋邨文具店連年捱貴租，就是要守住街坊情；也有舊屋邨店舖十室九空，變成死城。當領匯股價突破 30元的時候，且聽聽這些小商戶的哭訴。
記者：譚靜雯 王家文
啟田邨
中醫師被逼走患抑鬱症
出生於中醫世家的陳樹齊相信「善惡到頭終有報」。他自小在百子櫃前打滾，跟隨父親執藥、磨藥粉，立志當中醫師。曾於深水埗順寧道執業，因重建被迫結業，之後再到藍田啟田商場行醫，經營三年後領匯接手，即使願意多付一倍租金，仍被逼走，「領匯第一句開口就講我唔同你續約，唔需要你呢啲小商戶，我鍾意大集團」。
心血盡毀 體重跌逾 20磅
當了中醫師 40多年，陳樹齊謹記父親教誨，不論貧富，都要醫好病人，「阿爸好少收人錢，佢講窮人都有病，好多時冇錢嘅病人就會送幾個生果當診金，又教我要做有醫德嘅醫生」。自此，他本着濟世為懷的精神為基層服務，「幫到人喺我最大樂趣及榮譽，錢唔係咁重要，病人同我講冇錢，贈醫施藥冇問題」。但他沒想到領匯只看錢，並不領情。
03年深水埗祖業因重建清拆，陳樹齊改到藍田啟田商場開業，一個約 400呎商舖月租約萬多元。 07年領匯接手，他主動提出加倍租金，仍然冇得留低，「我問畀多一個月都唔得，仲話過期就封舖」。最後由財力豐厚的大型連鎖中藥店租下他的舖。一生心血盡毀，他體重急跌逾 20磅，更患上抑鬱症，每晚失眠，「心情好差、好無奈及絕望，病咗三、四個月，差唔多抑鬱而死」。
陳醫師在啟田商場執業時被領匯趕上絕路，終患上抑鬱及肝病。
馮就康攝
陳樹齊記得，有天在家中看電視，突然呼吸困難，即時到醫院救治，「驗出來肝酵素及血壓都好高，醫生同我講過唔到今晚」。
幸上天眷顧，他大步檻過，經治療後慢慢康復，在觀塘道覓得一個地舖繼續行醫施藥，但該舖今年九月租約期滿，業主也將加租。
事過但未境遷，陳樹齊憶起往事仍難掩悲慟。他慨嘆政府製造「領匯霸權」，令商場遭一小撮人壟斷，助長連鎖式集團擴大，欺壓小本經營，「對好多自力更生嘅人好唔公平，亦都令到好多家庭陷於困境，但我相信善惡到頭終有報，佢哋會有報應」。
《蘋果》記者
石圍角邨
狂加租街市十室九空
荃灣石圍角邨每天都上演諷刺劇，明明一半商舖結業，街市幾近十室九空，領匯還在每間「吉舖」貼上「匯聚消費潛力，商機就在眼前」的招租廣告。有校服店早年難捱貴租被逼走，店舖丟空至今，也有香燭店本月結業。商戶說以前很興旺，領匯接手後不斷加租，商場街市才變得寂靜如死城。
石圍角邨街市二樓商場大多商戶結業，只剩下一間香燭店。
早有超市 再引入一間
成個街市冇人做都要加租，你話有冇搞錯！」在石圍角邨街市賣蔬果逾 20年的蕭女士說，最近獲通知加租兩成，「就算加一蚊都唔租」。她說領匯接管後不斷加租趕走商戶，「以前有檔賣生果，呢度賣魚，嗰度就賣炒粉麪，全部走晒」。屋邨人口老化，人流減少沒得怨誰，但她最不忿是邨內早已有一間超市，領匯再引入多一間，「頂死我哋」。
陳永成斥領匯接手石圍角邨後不斷加租，令商場和街市變得死寂。
鳳德邨
文具店為續租炒三人
甚麼叫做街坊情？「就係你叫聲我老闆娘，我叫聲你靚女。」冰姐在鳳德邨經營文具店逾 20年，最樂見昔日的屋邨「波牛」拍拖結婚生仔，再帶子女重遊舊舖，「叫聲我冰姐已經好窩心」。她是邨內僅餘的兩間老商戶之一，領匯最近叫人尋找老字號，她說：「真係要去尋喇，都畀佢趕走晒」。
鳳德邨 91年落成，冰姐是商場開荒牛。她說當年最好賣是「 YES卡」，放學後文具店擠滿人「有個小學生睇咗好耐玩具，個阿媽叫佢都唔肯走，後來佢阿爸入嚟一巴打落去，捉住佢條頸走」。
扭蛋機吸引不少學生光顧。
冰姐常說，做生意做到如朋友，這就是街坊情。採訪當日，冰姐忙於招呼記者，有街坊等了一會也不介意，還跟冰姐開玩笑：「我等你，你走唔甩」；也有白髮斑斑的婆婆匆匆進店說要買膠水，「要 A字嗰啲」，冰姐丈夫沒多問就拿給她，記者好奇甚麼是 A字膠水，「阿婆講緊係 AA超能膠」。
「根本幫領匯打工」
全港公屋商戶總會主席陳永成在石圍角邨經營電器舖，他批評領匯寧願瘋狂加租逼走小商戶，也不願減租或凍租讓他們繼續生存，「為要收多 2,000蚊租，就換來咁多年嘅空置」。他質疑當年政府以至政黨，為何要讓領匯上市，「令全港市民受苦」。
文具店顧客都是街坊，人情味濃，是老店舖的存在價值。
《蘋果》記者
http://hk.apple.nextmedia.com/template/apple/art_main.php?iss_id=20120420&sec_id=4104&art_id=16265900&av_id=16266204
轉貼自蘋果日報 版權皆屬蘋果日報擁有
沒有留言:
張貼留言